Rev. Than Aung

Vaurawng hi mi sawsawh nan si ko na in Bawizisu a zuultu Thlarau nih a um pi hna i vulei pi an thlen bantuk in Dothlennak thlarau nih an um pi hna i ram thlengtu nan si.

Rev. Ral Thio (Vantlang)

Vaurawng tlang au nak a thei ko na i a cawlcang lo mi cu van tum i a ring lo mi darkhing bantuk an si.

Cathy Sung

Meithal kuan nih cun Nu, pa, Upa, tar le hngakchia a kan thlei dang lo. Kut ke tlamtlin, thinlung ruah nak tlamtlin ko cun dohthlennak hi tuah bak ding.

Salai Cung Ceu Thawng

Phaisa cu na hman dih zongah na dam ahcun na kawl khawh rih. Caantha cu a lakin na liam ter ahcun na dam zongah hmuhkhawh asi ti lo kho

No Kham

A tu lio caan i miphun le ram chanh chuah nak rian i a min a lang lo mi hi cu nan ihphah zual u law tlung uh nan minung hawi sin ah khuasa ngam ding nan si lo

Kip Vung Thang

"Tu lio dothlennak caah hin kei cu "thawh" ti hi hman ka duh lo, a thawh i a tho mi cu an thawh mi hi an mah ta ah an ruah peng le an buai tuk. Kei cu ka rian a si ti kai fian caah a "peek" in ka peek i ka peek mi cu ka ta asi ti lo caah ka buai ve ti lo"

Salai Bawi Uk Thang

Dothlennak hi ruahchannak a ngei mi nih an tuah tawn mi asi

A thi mi an thih tak tak bantuk in a nung mi hi nung taktak ve usih law Dothlennak ral hi kan tei ko hnga

Minung nih hin kan mah sining cio hi midang hmuhnak le tahnak tahfung ah kan hman lila tawn

Na thinlung nih a duh mi kha duh ko, mahbelte na thluak a um ve ti bel philh hlah.

Ruahchannak hi harnak chung i a um lio mi hna thilrit chawngtu ttha bik asi. Minung nih kan ngeih mi lak i a sunglawi bik mi cu ruahchannak asi.

A herh lio caan i min i chaal hi pasal rian asi. A herh lo lio i min i chaal cu hruh asi

Vulei hi mi chambau umnak khua asi. Mi chambau nak a kawl a buaipi tuk mi na si ah cun nangmah pi lawng khua na sa ko lai.

Dawtmi si lawng a duh i dawtu si ai tim lo mi hna hi dawtnak a pemh lo mi an si.

Zawnruah ti mi cu an dir hmun zawn i va dir, an sining vai hrawm bu i khua va ruah khi asi

Har nak tong lo i kan tuah khawh ding mi hi cu zei pipa an si bal lo

Tei ai tim lo mi hna mithmai kan zoh ah cun kan sung ko lai.

Thil ttha lo doh hmasa lo in thil ttha tuah khawh asi lo. Thil ttha tuah nak in thil ttha lo doh a ttha deuh

I thei thiam lo i i ngaihthiam cu ngaihthiamnak tling asi lo

Ka dik ka ttha ka hmaan ti rumro i na um ah cun zei hmanh nai remh kho lai lo i na nun ah mi an i chol thluahmah ko lai

Herh mi nak i duh mi biapi deuh i a chia mi hna hi mi nun rethei cem an si.

Mifim nih hin hruhpi mi zei tal an ngei cio, zei hmanh ai hruh pi lo mi tu hi mihruut taktak cu an si

Kan ton mi harnak hi cu adih te lai i philh caan a um te lai na in harnak kan ton lio i kan i dawtnak tu hi cu a hmun zungzal lai

Sawm chom fial chom hnek chom si lo mah rian ruah i i ruah hi a ngei tu lungput cu asi

Na lungthin muisam hi na thlarau muisam cu asi

An duh an daw tak tak tu ca ah cun na chambaunak hna hi dawtnak hmual a ngeih ter chin tu an si

Mi a daw kho lo ding tiang in saantlaihlo khawh asi lo

Salai Vankungling Thlaceu

Biaroling hi kokek thinlung muru i a hung chuak mi an si

Jenevy Sui

"ငါတို့ မှာ ငါတို့ပဲ ရှိတာ"

Iang Len Sung

Ram leng um mi miphun le ram ca biatak i a cawl mi hi Lairam a zaam taak mi an si lo. Ram chung siseh ram leng siseh zei hmanh a cawlcang lomi hi ram a zaam taak mi cu an si.

Dr. Chan Chum Hei

Minung kan man cu zei tluk in dah kan i hman khawh ti mi cung ah aa hngat. I hman khawh zat in man kan ngei.

Jenevy Sui

Ralhrang nih aanaa an van ting hi cu Democracy mang ttha te manh lio i thawh ter hlut bantuk asi.